Менаџерот на изборниот штаб на Џо Бајден изјави дека верува оти демократскиот кандидат е на пат да победи на изборите и тврди дека тој веќе победил во Висконсин.
Тој рече дека Бајден ќе има над 270 изборни гласови до крајот на денот, колку што е потребно за да победи, но и дека ако сега се запре со пребројувањето на гласови (како што бараат републиканците) тој победува.
Според штабот на Бајден, тој ќе победи во Висконсин, Мичиген и Пенсилванија поубедливо од републиканскиот кандидат и сегашен претседател во 2016 година.
Според изборниот штаб, се исто така рече дека очекува дека Бајден ќе има мнозинство гласови и во Невада.
Според него, броењето на резултатите во Мичиген и Џорџија се очекува да заврши денеска, а во Невада и Мичиген до утре (по локално време).
Се додава дека на гласовите од Северна Каролина може да се чека уште неколку дена
Трамп на Твитер: Ноќеска водев и одеднаш гласовите почнаа магично да исчезнуваат
Броењето на гласовите од вчера оддржаните претседателски избори во САД се уште е во тек, резултатот од гласањето е крајно неизвесен, но актуелниот претседател Доналд Трамп веќе го оспори изборниот резултат.
По ноќешниот говор во кој прогласи победа, тој се огласи и на Твитер.
Синоќа водев, често пати солидно, во голем број клучни држави, во речиси сите места што ги држеа и контролираа демократите. Потоа, еден по еден, тие почнаа магично да исчезнуваат додека се броеја изненадувачки допишаните гласови. Многу чудно, а анкетарите погрешно се’ сфатија буквално и историски -, напиша Трамп.
Набрзо по првиот тој објави уште еден твит.
Како е можно секогаш кога ќе добијат допишани гласови тие да бидат толку разурнувачки во процентот и моќта на уништување? – додаде американскиот претседател.
Изборниот штаб на американскиот претседател и републикански кандидат Доналд Трамп денеска соопшти дека по законски пат ќе се обидат да обезбедат пребројување на легалните гласови и дека очекуваат да победат, додека гласањето во клучните земји продолжува.
OhridNews
