Синдикатите треба поактивно да се вклучат во социјалниот дијалог со владите околу донесувањето на мерките за ублажување на економската криза, укажаа претставниците на синдикатите од градежништвото, индустријата за градежни материјали, шумарството и преработка на дрво од Македонија, Србија, Хрватска, Албанија, Босна и Херцеговина, Црна Гора, на работниот состанок што се одржува во Охрид.

– Наша идеја е и да договориме  заеднички состанок со претставници на владите на државите од регионот, со цел да утврдиме заеднички позиции за изнаоѓање решенија за проблемите, настанати со светската економска криза, истакна претседателот на Синдикатот на работниците од шумарството, дрвната индустрија и енергетика на РМ, в.д. претседателот на Сојузот на синдикатите на Македонија, Живко Митревски.

На состанокот станало збор и за потребата од јакнење на социјалниот дијалог  на сите нивоа во земјите од Југо-источна Европа, како и за заштитата на правата на работниците кои работат во мултинационалните компании присутни во регионот.

OhridNews