На сопствениците на Ферари Ф 430 не им се советува популарното „турирање“ на семафори, посебно во Германија, затоа што германската полиција наплаќа казни заради предизвикување на преголема бучава.
Баш тоа му се случило на 25-годишниот Сеиф ал-Араб, студент во Минхен, по потекло од Либија и син на далеку попознатиот Моамер ел Гадафи. Германската полиција измерила на неговото Ферари 110,5 децибели што е далеку над дозволените 98 децибели.
Влијанието на моќниот татко многу не му помогнало: Сеиф морал да плати казна како и сите други граѓани кои ги пркршуваат правилата.
Јасмина Т. Момироска
