Манчестер Сити минимално со 1-0 го совлада Манчестер Јунајтед и се искачи на врвот во Премиер лигата. Стрелец на победничкиот гол во финишот на првиот дел беше капитенот на “граѓаните“, Винсент Компани. Тој одлично реагираше по ударот од аголот на Давид Силва.
Бранителот на трофејот не го одигра шампионски одлучувачкиот меч. Не успеаа “црвените ѓаволи“ да го наметнат својот ритам, многу малку креираа, влегоа во шемата на Манчини по која се радуваше “синиот“ дел од Манчестер.
szólj hozzá: M.City 1-0 M.United
Сити и Јунајтед имаа по 86 бода и само благодарение на подобрата гол разлика “сините“ се на врвот на табелата. Во последните две рунди, Сити гостува кај Њукасл, и на домашен терен го пречекува КПР.
Манчестер Јунајтед на домашен терен игра против Своноси, додека во последната рунда гостува кај Сандерленд.
М.П.
