Бесплатниот телефонски интернет сервис Скајп полека се враќа во нормала по прекинот кој влијаеше врз комуникацијата на милиони луѓе од целиот свет. Инженерите на компанијата се уште работат на отстранување на проблемот, кој се појави вчера во околу 20:30 часот по средноевропско време.

Според информации од фирмата, прекинот се должел на софтверски проблеми во критични делови на нивната мрежа, пренесува BBC.

 Вчера  околу 18 часот по средно европско време, за првпат по прекинот биле воспоставени 16,5 милиони телефонски повици што е околу 80 проценти од вкупниот телефонски сообраќај.

 На својот блог компанијата постирала извинување до своите корисници, а изразува и надеж дека ќе им понуди надомест на ваучерите што ги користат нивните корисници кои плаќаат.

OhridNews
извор:„Макфакс“