Напаѓачот на Манчестер Сити, Серхио Агуеро, се наоѓа на листата на потенцијални засилувања на Барселона. Наводно, Лионел Меси, на челниците на Барса им порачал во летниот преоден рок да го донесат неговиот сонародник од Сити, што бил еден од условите тој да се согласи да потпише нов договор.
На интересот на Барселона, Манчестер Сити одговори со одредувањето на откупната клаузула за напаѓачот, која изнесува 70 милиони евра. Англиските медиуми пренесуваат дека со овој потег Сити покажува дека не сака да го продаде Агуеро, бидејќи не верува дека некој ќе издвои толкава сума на пари.
Агуеро, во Манчестер Сити пристигна во летото 2011 година, оваа сезона во Премиер лигата тој одиграл 22 натпревари на кои постигнал 17 голови.
„Макфакс“
