Густата магла веќе два дена го попречува нормалното функционирање на авиосообраќајот на аеродромот „Александар Велики“ во Скопје, кој од синоќа е затворен за сообраќај и откажани се сите планирани слетувања и полетувања. И вчера дел од летовите беа откажани, а дел пренасочени кон Охрид, Софија и Белград. Се очекува авиосообраќајот да се реализира само во одреден краток период од денешниот ден, односно од 12 до 14 часот.
Концесионерот на македонските аеродроми ТАВ Македонија ги упатува патниците да ги следат информации на веб-страницата на аеродромот или да се јават на телефонскиот број за информации, што е на располагање 24 часа. За замена на авиобилетите, патниците треба да се обратат во соодветната авиокомпанија.
OhridNews
