Денес ќе има поројни врнежи од дожд, на места и над 30 л/м2. Локално е можно невреме со пороен дожд, силен ветер, грмежи и појава на град. Од утре следува период на променливо и посвежо време со повремени врнежи од дожд и умерен до засилен ветер, кој утре ќе биде од југозападен, а наредните денови ќе го смени правецот во северен, соопшти Управата за хидрометеоролошки работи.
Според биометеоролошката прогноза, денеска болките кои се од ревматски карактер, но и оние кои се од артритични промени ќе се подолготрајни. Во текот на ноќта биометеоролошките услови ќе бидат особено лоши. Утре во раните утрински часови се очекува честа појава на главобола, болки во колената, на грбот и вратни болки.
