Случувањата околу покачениот водостој на Охридското Езеро се исполитизирани сметаат охриѓани. На анкетното прашање на OhridNews: “дали има политика во случувањата поврзани со покачениот водостој на езерото?“- 88 проценти одговориле потврдно, додека 12 отсто имаат спротивно мислење.

Во анкетата учествуваа 2051 читател.

За време на познатите случувања околу Охридското Езеро политичките партии и нивните претставници во централната и локаланта власт разменија серија обвинувања за настанатата состојба. Политичката битка за езерото во која беше инволвиран и невладиниот сектор кулминираше со поставување билборди на кои иронично се критикуваше посетата на охридскиот градоначалник на Австралија, за што тој покрена правна постапка.

OhridNews