Снегот и лошите временски услови не одат во прилог на екипите кои го одбраа Охрид како дестинација за подготовки за вториот дел од сезоната. Снегот кој од синоќа непрестојано паѓа одложи неколку пријателски натпревари, и во голема мера го наруши ритамот на одржувањето на редовните тренинзи.
Во Охрид годинава се најавија десетина екипи од Македонија и Србија, но покрај временските услови на кои не може да влијаат, за охриѓани дополнителен проблем е слабата инфраструктура како и обезбедувањето на дополнителни терени за тренинг на екипите.
Како стојат работите екипите ќе мора да барат и алтернативни решенија , како такви може да се искористат теренот во населбата Воска, “Грашница” потоа и игралиштата во Мешишта , Косел и Рача кои колку толку ги задоволуваат условите за тренирање и одигрување на пријателски натпревари.
фото “Архива“
М.П.
