Доколку следниот викенд се одржат Локални избори, дали ќе гласате и за која политичка опција? – Ова е едно од многуте прашања што во телефонската анкета која деновиве се спроведува во Охрид, им се поставува на потенцијалните гласачи. Се бараат информации која политичка опција им е поблиска на граѓаните, што мислат за актуелниот градоначалник и неговото владеење и дали заслужува трет мандат, како и какви се шансите на потенцијалните кандидати за градоначалник на претстаојните избори.
Во анкетата се наведуваат повеќе имиња на актуелни политичари и личности блиски на ВМРО ДПМНЕ, за кои се бара од граѓаните да го дадат своето мислење.
Анкетите не се ништо неовообичаено во политичката пракса. На овој начин партиите го испробуваат пулсот на гласачите.
Засега во Охрид, само СДСМ го истакна својот кандидат за градоначалник. Александар Петрески доби партиска поддршка за трет мандат, а дадената довербата социјалдемократите ја оправдаа токму со резултатите од спроведените анкети во кои актуелниот градоначалник имал најголем рејтинг во однос на останатите кандидати во партијата.
