Мрежата Решица вчера започнува летна школа за “Социјално претприемништво, социјални иновации, социјални бизнис модели” во рамки на која 23. студенти последипломци од 11. земји ќе изготвуваат бизнис планови за одржлив развој на туризмот на Охридското Езеро.
Врвни професори од Германија придружени од мекедонски колеги ќе ги водат студентите низ процесот на дизајн на успечни бизнис модели за општествено претприемништво.
„Мрежата во изминатите 4 години од основањето организираше повеќе од 15 летни школи, и искуството покажува дека соработката на студенти од различни земји може да придонесе за регионален пристап кон проблемите и можноста младите претприемачи да придонесат за економски развој на регионот. Фактот дека ДААД- Агенција за германска академска размена финансиски ја поддржува работата на мрежата од година во година е уште еден доказ за успешноста на соработката. “– изјави проф. д-р Петер Шулте, предавач во рамки на школата и кспертски советник за меѓународна универзитетска соработка од Институт за европски прашања со седиште во Дортмунд.
Организатор на настанот е Факултетот за деловна економија и организациони науки при Универзитетот Американ Колеџ Скопје, а целта е да се поттикнат претприемачите во државата да соработуваат со колегите од регионот.
-Ваква школа за развој на идеи и бизнис модели за работење на општествени претприемачки фирми за прв пат се одржува во Македонија, и уверени сме дека ќе претставува поттик за инвестирање во добросостојбата и човечкиот капитал по пример на европски напредни економии.“ – изјави Македонка Димитрова на отворањето на школата.
