Денес во координација на Центарот за управување со кризи и единиците на АРМ, со хеликоптер беше извршен дотур на храна на населението од завеаните струшки села Модрич и Дренок.

Како што информираат од ЦУК активностите за снабдување со храна и лекови на отсечените села поради снегот,  продолжуваат и во наредните денови.

Досега, по воздушен пат се снабдени над 60 села во вкупно 17 општини.

Според последните информации од Центарот за управување со кризи, во општина Струга, и понатаму не се проодни патните правци за селата Вишни, Горна Белица, Луково, Безево, Пискупштина, Нерези, Модрич, Дренок, Бороец и Јабланица, Како и селата во Малесијата (Присовјани, Збажди, Ржаново, Локов, Селци и Буринец).

OhridNews