Љубители на животни и членовите на здружението за заштита на животни „Анималија“ од Охрид денеска (13 ч.) кај кафе “Конект“ ќе реализираат хумана акција за помош на бездомните животни во студените зимски денови.
Имено, тие ќе направат повеќе импровизирани куќарки за животни кои ќе бидат поставени на повеќе локации во градот.
Љубителите на животни апелираат до граѓаните да им се придружат во акцијата и во рамки на можностите да донираат средства кои ќе бидат искористени за прехрана на бездомните животни. Воедно тие апелираат да не се уништуваат куќарките за бездомни животни, затоа што за нив тие живот значат.
OhridNews
