Вчера, околу 15 часот во село Долно Татеши-Струга, во месноста викана „Грика“, 10 годишен малолетник од Берн-Швајцарија му нанел тешка телесна повреда на 9 годишен малолетник од с. Долно Татеши. Со воздушна пушка марка “Хатсан 125“ при невнимание, од непосредна близина, испукал една дијабола во пределот на левата страна од градниот кош, која завршила во пределот на рбетот. По укажаната лекарска помош во Медицински центар-Струга, повредениот е пренесен и задржан на лекување во Ургентен центар-Скопје.
Увид на лице место извршила екипа од струшката полициска станица. Воздушната пушка која со дозвола ја поседувал А.Л. од Струга со потврда за привремено одземени предмети е одземена и доставена за вештачење.
Полициската станица-Струга презема мерки за расчистување на случајот.
