–Цветањето на пролетните билки, поленот од бреза, јасен и бука за многу луѓе преставува вистински кошмар. Алергијата е резултат на имунолошка реакција на супстанца која е вдишана или внесена во телото или која е дојдена во допир со кожата. Генерално алергиските симптомите се различни. Може да се јават на кожата, во вид на дерматитис, егземи, осип и јадеж, а може да се јават и во форма на кивавица, кашлање, излачување на поголема количина на слуз од носот, потешкотии со дишењето како и оток или солзење на очите, велат лекарите.
Тие потенцираат дека според медицинската статистика, се поголем е бројот на луѓето кои страдаат од алергии.
-Тоа најверојатно е поврзано со продолженото цветање на тревите и цвеќињата како резултат на глобалното затоплување. Исто така, загадувањето на воздухот и животната средина придонесуваат за слабеење на имунитетот. Ако пред 10 години, само 11 проценти од населението во Република Македонија било алергично, сега според епидемиолошките студии секој 4-ти македонец има алергија, наглaсуваат лекарите.
Освен редовната тарапија која треба да ја примаат алегичните, за време на цветањето на поленот треба да се затвораат прозорците, да се избегнуваат излети и кампувања во природа. Тоа значи дека алергичните лица можат слободно да се движат надвор единствено само кога времето е врнежливо.