Републичкиот Црвен крст соопшти дека до сега на сметката за солидарност собрани се 31.570.576 денари за помош на погодените подрачја од катастрофалните поплави на 6-ти август, додека од телефонот 070/075/077 143 400 собрани се дополнителни 13.069.400 денари.
Покрај ова Црвениот крст во погодените подрачја од поплавите дистрибуирал 28.500 пакети со храна, 21.000 дневни оброци, 9.700 топли оброци, како и поголема количина конзервирана храна, млеко, хигиенски пакети, вода, лопати, градежна опрема и друга помош.
Од Црвениот крст апелираат во активностите за донирање на хуманитарна помош да се следат инструкциите на надлежните институции и Црвениот крст на РМ, со цел поефектно справување со последиците од природната катастрофа.
OhridNews
