Поранешниот кошаркар на АМАК СП, Александар Софкоски се врати во Охрид, но на клупата од скопскиот второлигаш Водњански Лисици. Популарниот “софти“ една година ги бранеше боите на охридскиот суперлигаш и имаше голема улога во освојувањето на Куп титулата.
– За Охрид ме врзуваат убави спомени. Тие се незаборавни моменти во мојата кариера и затоа секогаш кога сум во Охрид ми се вртат кошевите, победите и дружењето со кошаркарите. Сакам повторно во Охрид да се врати кошарката затоа што охриѓани живеа за нашите натпревари – истакна Александар Софкоски.
По заминувањето од АМАК СП, Софкоски настапуваше за Работнички, за потоа да прекине со професионална кошарка и да заплива во тренерските води.
– Доста беше мачење во македонската кошарка. Истата песна во сите клубови каде што одвај се врзува крај со крај. Сакав да се пробам како тренер и затоа дојдов во Водњански Лисици – заврши Софкоски.
Мх.П.
