Во името на Самостојниот Синдикат за Образование , наука и култура, претседателот на Регионалниот одбор на СОНК, Аце Речкоски, на сите членови на СОНК, вработени во образовните , културните и научните институции од Охрид и Дебрца, им упатува честитка за Празникот на трудот и истовремено изразува желба за што поцврста и пообединета борба во остварување на работничките и професионалните права и зачувување на работничкото и професионално достоинство.
Речкоски додава дека Регионалниорт Одбор на СОНК својата сила и моќ ја согледува токму преку силата на обединувањето, не дозволувајќи никакви политички, верски или етнички поделби, упади или испади во организацијата и во заедничката синдикална цел.
– Токму оттука ќе стоиме цврсто на браникот на нашите права, станувајќи притоа вистински партнер со работодавците од Локалната и од Централната власт.СОНК е значаен фактор во донесувањето на значајни закони и законски прописи и така ќе биде и во иднина, затоа што основното начело на работата на СОНК е и ќе биде заштита на правата и чување на достоинството на работникот, нагласува претседателот на регионалниот СОНК.
OhridNews
