Леб и бели пецива ќе добиваат секој ден социјално загрозените и сиромашни лица од центарите во земјава меѓу кои и Охрид. Ова доаѓа со договорот за соработка помеѓу компанијата „Тинекс“ и Банката за храна во Македонија, кои претставуваат клучна алка во ланецот за дистрибуција на храната.
Како што соопштуваат од „Тинекс“, компанијата успешно се вклучува во кампањата покрената од програмата на Обединетите нации за животна средина, од Организацијата за храна и земјоделство и од Организацијата за рециклирање со цел да се спречи непотребното фрлање на храната.
Банката за храна која е придружна членка на Европската Федерација на Банки за храна – ФЕБА ќе ја доставува храната преку својот ланец на дистрибуција.
OhridNews
