Како што претходно беше објаснето од страна на ВД директорот на претпријатието, Драган Пандески, предвидено е средствата од долгорочниот кредит да се инвестираат во два проекти и тоа: изградба на 4 јавни тоалети, 3 во христијанскиот и еден во муслиманскиот дел од градските гробишта, како и за изградба на муслиманска капела.
На денешната 40- та седница, советниците едногласно ја усвоија и предлог- одлуката за формирање на Совет за превенција на малолетничко престапништво. Беа прифатени и предлог одлуката за доделување општински награди и признанија, за подигање спомен обележја на Цар Самоил и Божицата Изида, а се усвоија и предлог одлуките за усвојување на акциониот план – Заедно против дискриминација, како и годишната програма за згрижување и воспитно образовна работа на јавната општинска установа за деца- детска градинка „Јасна Ристеска“ за учебната 2011-2012 година. Советниците го донесоја буџетскиот календар за начинот и постапката за изготвување и донесување на буџетот на општина Охрид за 2012 година, а се усвоија и Извештајот за остварување на буџетот за периодот од 01.01. до 30.09.2011 година и предлог одлуката за изменување и дополнување на буџетот на ЕЛС Охрид за 2011 година.
По останатите точки предвидени на дневен ред од 40- та седница советниците ќе расправаат на нејзиното продолжение кое дополнително ќе биде закажано.
