Во дуелот на непоразените во групата “Е”, Холандија ќе ја има улогата на фаворит и се` освен триумф против Јапонија ќе се смета за големо изненадување. Првата зацртана цел, да се обезбеди место кое води во 1/8 финалето, избраниците на Берт ван Марвијк можат да ја исполнат само ако ја повторат играта од натпреварот против Данска, но и да демонстрираат далеку поголема одлучност пред противничкиот гол.
– Мечот против Јапонија нема воопшто да биде лесен, тие играат модерен фудбал со доста трчање и комбинирање. Вториот натпревар во групата е мошне значаен и ние ќе се обидеме да го добиеме за да ги разрешиме дилемите околку нашиот пласман во нок аут фазата – вели креативецот во играта на “лалињата“ Весли Снајдер.
– Тестот против Холандија е мошне важен за нас , натпревар кој ќе покаже дали може да ја минеме групната фаза. Бевме поразени во последната наша средба и сега сме силно мотивирани да им вратиме назад – истакна играчот за врска Даисуке Матуи.
По првата победа во групата ќе тргнат репрезентациите на Данска и Камерун, за поразениот тим тука некаде ќе биде крајот на шансите за пласман во елиминациската фаза.
Видео СП : Лалињата со “карамбол“ до победата
Видео СП : “Самураите“ ги скротија “лавовите“
Ohridnews
