Двајца Италијанци се убиени во едно кафуле во Хановер, по кавга околу успесите на Италија и Германија на светските фудбалски првенства, соопшти денеска германската полиција.

Според наводите на полицијата, како што пренесува Асошиејтед прес, Италијанците на возраст од 47 и 49 години во кафулето дошле од италијанскиот ресторан во кој работеле, каде што со еден Германец се впуштиле во расправа за тоа која земја била поуспешна на првенствата.

Во еден момент, Германецот извадил пиштол и пукал во Италијанците, кои со прострелни рани во главата биле пренесени во болница, каде починале.

“Извор Макфакс“
Ohridnews