Во екот на Мундијалските натпревари фудбалската школа „Фер Плеј“ напорно тренира и се подготвува за предизвиците кои им престојат.
Тренинзите им се одвиваат претпладне и попладне и сите имаат можност да ги следат натпреварите од Светското првенство во фудбал.
– Светското фудбалско првенство во Бразил изобилува со доста активен и напаѓачки фудбал за што говори високиот просек постигнати голови по натпревар. Германија ја оправда фаворитската улога, а според мене исто така мора сериозно да се смета на Белгија и Холандија – рече Игор Настоски тренер во фудбалската школа „Фер Плеј“.
Во преостанатите натпревари од групната фаза предводникот на „виолетовите“ не очекува некои поголеми изненадувања, а од досегашниот е незадоволен од три селекции Бразил, Аргентина и Шпанија.
– Времето за изненадувања ми се чини дека помина. Фаворитите сериозно ќе пристапат во мечевите и ќе забележуваат победи – додаде Настоски.
Експедицијата на Фер Плеј со две генерации (2003 и 2005) отпатува на екстра квалитетниот турнир во Краљево.
Мх.П.
