Првиот голман на Италијанската репрезентација Џанлуиџи Буфон со сигруност ќе го пропушти наредниот натпревар од светското првенство против Нов Зеланд,а можно е и подолго време да биде надвор од терените. Буфон на вчерашниот натпревар против Парагвај беше заменат на стартот на вториот дел со голманот на Џенова, Маркети.


Селекторот на Италија, Марчело Липи по завршувањето на мечот на средбата со новинарите соопшти дека бил принуден да го остави Џанлуиџи Буфон во соблекувалната откако првиот избор на голманската позиција се пожалил на болки во грбот.

– Џиџи уште на последните тренинзи се жалеше на проблеми со грбот. Во полувремето ми рече дека не може да продолжи и затоа мораше да направиме измена – истакна Липи.

Видео СП : Италија тргна очекувано, со реми

Ohridnews