Репрезентацијата на Холандија е првиот патник во полуфиналето на светското првенство во Јужна Африка. Портокалевите со пресврт го совладаа петкратниот првак Бразил со 2-1.


Играч на мечот – Снајдер

Се` се одвиваше според планот на Дунга, кога уште во 10 минута Робињо, ја затресе мрежата на Стекелнбург. Кариоките ја контролираа играата креираа шанси но не успеаа да стигнат до поубедлива предност.

За прв пат на шампионатот Холандија се најде во негатива по првиот дел, се разбудија “лалињата“ во вториот дел, а по центаршутот на Снајдер, Мело му посмета на Цезар и ја затресе сопствената мрежа. Токму тој момент се покажа одлучувачки во мечот.


Се разлетаа холанѓаните и по десетина минути благодарение на одличниот удар на Снајдер со глава стигнаа до нов погодок и водство од 2-1.

Нервозата во тие моменти ги обзеде “кариоките“, а притискот не го издржа Мело кој по прекршокот над Робен го “прегази“, по што одличниот јапонски судија му го покажа патот кон соблекувалната.


Во финишот на мечот бразилците и со играч помалку се обидоа да притиснат, но не успеаа да го избегнат поразот. Избраниците на Берт Ван Марвијк за влез во финалето ќе играат со подобриот од дуелот Ургувај – Гана.

Ohridnews