Се ситнат часовите, се бројат минутите до почетокот на Светското првенство во ракомет кое се игра во Шпанија од 11 до 27 јануар. Нов дом на македонската ракометна репрезентација ќе биде “Палатата на спортовите“ во Севиља.


Избраниците на селекторот Ѕвонко Шундовски во групата Б се наоѓаат со стариот должник Данска,  Русија, Исланд, Катар и Чиле. Токму против јужноамериканците Македонија го започнува мундијалскиот сон.

“Палатата на спортовите“ ќе биде место каде сонот на целата спортска јавност треба да стане јаве. Салата е изградена во 1988 година е пред десетина години целосно е реновирана и има капацитет од 9 500 седишта.


Македонската фаланга нема да биде многубројна како што беше случај на Европското првенство во Србија, но за очекување е да на секој меч има над 500 навивачи кои ќе ги бодрат македонските репрезентативци.

Мх.П.