Информацијата дека Луис Суарез е повреден и ќе подлегне на оперативен зафат како бомба одекна во светските медиуми, а предизвика шок и неверување во Уругвај.
По извршената операција на менискусот самиот фудбалер се огласи во јавност и им порача дека нема место за паника и ќе биде потполно подготвен за престојниот Мундијал, кој започнува за неполни три седмици.
– Им благодарам на сите за поддршката која ми ја пруживте. Операцијата помина во најдобар ред и ви гарантирам дека ќе бидам 100% подготвен за Светското првенство Бразил – рече Суарез.
Напаѓачот на Ливерпул сезонава постигна 31 погодок и со Роналдо од Реал Мадрид заедно ја подигнат златната топка за најдобар стрелец.
Мх.П.
