Екипа од Противпожарната единица Струга, вчера околу 17.50 часот од водите на Охридското езеро, кај Женска плажа, спасила повозрасен стружанец кој се давел.

Како што информира командирот на струшката Противпожарна служба, Мунир Мамуди, нивните екипи интервенирале по повик од полициската станица и навреме успеале да го спасат стружанецот кој бил во свесна состојба, но премрзнат.

По интервенцијата, со возило на брзата помош лицето било пренесено во Општата болница- Струга.

OhridNews