Активисти на Црвен крст Охрид веќе десетина дена се распоредени на најфрекфентните места во градот, каде делат совети за заштита од високите температури.
За таа цел, деновиве на главниот плоштад беше отворен лекарски пункт каде се вршеа основни прегледи и мерење на крвниот притисок.
Од Црвен крст информираат дека е зголемен е обемот на работа на спасувачките тимови на охридските плажи . До сега се евидентирани над 30 интервенции на укажување прва помош, од кои два случаи биле последица на високите температури-сончаница. Останатите интервенции биле посекотини, скршеници и сл.
Спасителите имале и две успешни интервенции на спасување и извлекување на давеници на плажата во Св. Наум и кај „Макотекс“.
Г.М.
