Секретарот на општина Охрид го повика советникот од ЛДП, Дејан Блажески, кога јавно говори за работата и функционирањето на локалната самоуправа тоа да го поткрепува со факти и документи.
– Нашиот начин на работа со изнесување на факти и аргументи кои ја потврдуваат вистината и со строго почитување на законските правила и норми, нека им биде репер како треба да се работи. Очигледно кога советникот Блажески доаѓа на седница на Совет не се подготвува за истата. И очигледно при донесувањето на годишната програма бил само физички присутен . Јасно е дека не е во тек со случувањата, односно не знае дека во програмата јасно е наведено лизгалиштето кое и во изводот е обележано со зелена боја, изјави секретарот Димитар Спасески на денешната прес конференција .
Тој додаде дека Секторот за ТЛЕР и останатите општински сектори имаат апсолутно право , да побараат одобрение за поставување урбана опрема.
-Со оглед на тоа што ова лизгалиште уште од првиот ден стои во програмата мене не ми е јасно како еден советник нема информации за тоа што се случува, односно како истото функционира, рече Спасески.
Секретарот уште еднаш ја повика опозицијата да изнесува секогаш вистини потврдени со факти и документи, а не со лаги и празни зборови.
OhridNews
