Четирите прволигашки клубови кои ги бојкотираа натпреварите од 14 то коло (Македонија ЃП, Слога Ј, Пелистер и Хоризонт Т.) на прес конфернеција одржана на стадионот во Ѓорче Петров побараа поништување на изборот за преседател на Хаџи – Ристески. – Бараме вчерашното изборно собрание да се поништи и да се организира ново регуларно и согласно Статутот на ФФМ. Исто така, бараме и формирање здруженија на прволигаши и на второлигаши, преку кои тие ќе ги остваруваат своите права и ќе ги организираат натпреварувањата. Сметаме дека Здруженија на прволигаши и на второлигаши треба да имаат право да назначуваат делегати во Собранието на Федерација – се вели во соопштението до медиумите.
Претставниците на Македонија Ѓорче Петров, Хоризонт Турново, Слога Југомагнат и Пелистер се категорични дека нема да играат во Првата лига се додека ФФМ не ги исполни нивните барања, а се надеваат дека ќе добијат поддршка и од Работнички, Вардар и Металург.
Комесарот за натпревари при ФФМ Миле Спирковски вели дека правилата се ригорозни за вакви случаи.
– Екипите кои неоправдано не се појавија на натпреварите ќе ги загубат со службени 3-0, ќе им бидат одземени поени, а ако не се појават и во наредната рунда ќе бидат исклучени од лигата – изјави за Ројтерс, Спиркоски.
Викендов на собранието одржано во Скопје, Хаџи – Ристески беше реизбран за преседател на ФФМ, трет пат во серија.
М.П.
