Членовите на здружението на Египќани од Охрид  поднеле писмен предлог до Советот на општината, за поставување на споменик на Египетската божица Изида, на Градскиот плоштад.
Египќаните бараат од претседателот на Советот, Душко Јаковчески, овој предлог да се најде помеѓу точките на дневен ред , на  некоја од наредните седници на Советот. Тие објаснуват дека за да ја поткрепат оваа иницијатива со поддршката на граѓаните, неделава ќе започнаат со собирање на потписи на градскиот плоштад во Охрид.  

-Веќе ја имаме подршката од голем број интелектуалци и политички субjекти, па се надеваме и на голем одзив и кај граѓаните, за подршка на оваа иницијатива. Се надеваме дека и советот на Општина Охрид позитивно ќе се изјасни во врска со нашиот предлог.-вели Демир Далип, од иницијативниот одбор за поставуавње на споменикот.

Тој нагласува дека Божицата Изида, нема значење само за египетската заедница во Охрид, туку и за сите граѓани на општината, затоа што  на подрачјето на градот, при археолошки ископувања се пронајдени две статуи на оваа Божица.

– Со тоа се потврдува фактот дека предците кои живееле на оваа територија се поклонувале на Божицата Изида, што уште повеќе ја продлабочува и ја зацврснува и така богатата историјата на нашиот град.-вели Далип.

Статутуите на Божицата Изида, кои се наоѓаат во музејот на Робевци, потекнуваат од археолошкиот локалитет, кој се наоѓа во cентарот на градот и се претпоставува дека датираaт од времето кога македонските војски се повлекувале од Египет на просторот на Македонија. Со нивното доаѓање на овие простори, тие со себе донеле и дел од културното наследство и некои верувања од стариот Египет. Така се случило и култот кон божицата Изида, да биде пренесен кај нас.

Изида е божица на плодноста и мајчинството од египетската митологија. На египетски Aset или Eset – таа припаѓа на Енеадата од Хелиополис. Таа е сестра (и жена) на Озирис, Нефтида и Сет, ќерка на Нут (Небото) и Геб (Земјата) како и мајка на детето Хорус. Во иконографијата на обожувањето, таа е претстава за архетип на сопруга и мајка.

Е.Е.