Општината Охрид бара државата да и издаде дозвола за подигање на спомен обележја посветени на Св. Наум и Св. Климент Охридски на пристаништето пред хотелот „Палас“, кое според проектот треба да се реновира.


Општината сака да го уреди пристаништето пред „Палас“
Намерата ни е да го уредиме пристаништето пред „Палас“, кое од грда слика ќе стане место кое ќе биде нова гордост за Охрид и Македонија, вели градоначалникот Александар Петрески. Веќе е изготвен проект за изградба на платформа на која ќе бидат поставени споменици на Св. Наум и Св. Климент кои Охрид ги доби на подарок од Украина. Спомениците се пристигнати во земјава, но тие лежат во магацини затоа што градот нема добиено дозвола од Министерството за животна средина за нивно поставување. Чекаме дозвола од Министерството за животна средина иако не знам што ќе се наруши во езерото со поставување на спомениците, вели градоначалникот Петрески.


Александар Петрески

Градоначалникот на Охрид смета дека пристаништето пред „Палас“, како и другите две пристаништа на охридксата ривиера треба да и бидат отстапени на локалната самоуправа која  е подготвена да ги уреди и да управува со нив.

Г. Момироски