Во организација на Зружението на риболовци Спортски клуб „Св. Стефан„ во недела, 17-ти март, на каналот Студенчишта, ќе се одржи натпревар во спортски риболов во дисциплината „пливка“.
Натпреварот ќе се одржи согласно Правилата за натпревари во спортски риболов на Република Македонија, пропишани од националната риболовна федерација. Приборот за риболов е по слободен избор и дозволено е улов на сите видови риби.
Мамците и количината на прихрана, исто така, е по слободен избор и нема ограничување, соопшти организаторот.
Право на учество имаат сите жители на Охрид, околните општини и сите членови на здружението од сите категории на возраст. Пријавување за учество на натпреварот ќе се врши директно кај официјалните лица (судија) пред самиот натпревар.
Наттпреварот започнува во 8.30 часот.
