Прекршочни пријави против неколку телевизии и радија и нивните главни и одговорни уредници, ќе поднесе Советот за радиодифузција поради неизбалансирано известување во текот на изборната кампања на локалните избори.
Прекршочна пријава ќе биде поднесена против ТВ Спектра – Лабуништа, ТВ Далга Крт – Куманово, БТР Национал – Скопје, Радио Про ФМ – Гостивар, Радио Канал 77 – Штип, ТВ Шутел – Скопје, ТВ Сител 3 – Скопје, ТВ МТМ – Скопје, како и против нивните главни и одговорни уредници.
Укажување за надминување на забележаните недоследности во вториот круг од изборите добија ТВ Шутел – Скопје, ТВ Коха – Тетово, ТВ Еми – Радовиш, ТВ Нова – Гевгелија, ТВ Амазон – Скопје, ТВ Телма – Скопје, Радио Зона – Скопје, Радио Ват – Скопје, ТВ ЕРА – Скопје, Македонско радио – програма на турски јазик, Македонско радио – Радио Скопје, МТВ 2 – програма на турски јазик и МТВ 1.
Како што беше истакнато на денешната сеница на СРД, прекршочната постапка најчесто се покренува за надминување на дозволеното време за платена политичка програма, а укажувањето е за немање означен наралчател на спот за платена политичка програма или за објавување јавна анкета пет дена пред гласањето.
Исто така, Советот денеска го усвои и Извештајот за начинот на известување во вестите за периодот на изборната кампања.
За најголем дел од медиумите беше речено дека не успеале да направат разлика меѓу редовните активности на власта и партиските. Балансирано известување за кампањата, како што беше нагласено, имале ТВ 24 вести, ТВ Алфа и Канал 77, а неизбалнсирани биле МТВ 1 и ТВ Сител.
OhridNews
