Младата охридска пливачка Девран Куртис од пливачкиот клуб „Три Дисциплини“ -Струга освои сребрен медал на летното Национално првенство по пливање кое изминатиов викенд се одржа во Скопје.
Во дисциплината 50 метри делфин, во категоријата постари пионери, Куртис оствари извонреден резултат од 304 бода, со што заостана само половина секунда зад златниот медал.
Куртис бележи и низа успеси на поседните неколку натпревари. Имено, на 11TR Златиборски триатлон 2025 се закити со бронзен медал во дисциплината акватлон за млади кадетки, како и сребрен медал во категоријата три дисципли на Националното триатлон првенство Дојран 2025.
На меѓународниот пливачки митинг Орион 2025 во Скопје, Куртис освои два медали, златен во дисциплината 50 м делфин и сребредн во дисциплината 100 метри грбно.
OhridNews
