Претседателот на Република Македонија д-р Ѓорге Иванов, денеска во Охрид оствари билатерална средба со Н.Е. Филип Рикер, заменик помошник државен секретар на САД.
Како што информира Кабинетот на претсесателот, централни теми на средбата, беа стратешките цели на Република Македонија, членството во НАТО и Европската Унија како највисоки приоритети, како и можноста за деблокада на интеграциските процеси.
Заменикот помошник државен секретар на САД се заблагодарил за можноста да се разменат мислења и информации во однос на стратешките цели на Република Македонија, актуелните реформски процеси и особено за состојбите во регионот на југоисточна Европа.
Претседателот Иванов го запознал заменикот помошник државен секретар на САД и со улогата на Република Македонија во регионалната соработка и регионалните иницијативи. Двајцата соговорници се согласиле дека не постои одржлива алтернатива ниту за регионот, ниту за Република Македонија, освен целосна интеграција во Европската Унија и НАТО.
-На средбата беа потврдени партнерските односи меѓу Република Македонија и
Соединетите Американски Држави, како и подготвеноста за натамошно
интензивирање на соработката во сите области од заемен интерес.-информираат од Кабинетот на претседателот Иванов
Претседателот Иванов му заблагодарил на Рикер за прифатената покана да
биде еден од предавачите на овогодинешната Школа за млади лидери и
истакнал дека Република Македонија е горда на партнерството и
пријателството кои во континуитет се развиваат со Соединетите
Американски Држави.
Рикер упатил честитки до претседателот Иванов за неговото лидерство, како во Република Макеоднија, така и во регионални рамки.
