–Дозволете ми да се заблагодарам за топлото добредојде. За ова време колку што сум во Македонија патував низ земјата и морам да признам дека Охрид е многу убав град и искрено сакам почесто да доаѓам тука и соработувам со вас – рече амбасадорот Ивон.
Градоначалникот Александар Петрески на средбата, со цел продлабочување на соработката со Англија, предложи збратимување на Охрид со град од Обединетото Кралство, кој е сличен по културно – историските традиции и вредности.
Во текот на средбата било потенцирано дека еден од најважните процеси за напредок на земјата е децентрализацијата особено на полето на културата, образованието и инфраструктурата и дека Охрид како град на УНЕСКО треба да добие посебен третман во областа на културата и образованието.
