Идната недела во Охрид ќе се одржи заедничка средба на претставници на патнички агенции од Охрид и Струга, на која ќе учествуваат и претставници на патнички агенции од Корча Поградец, Република Албанија. Оваа активност е дел од проектот кој го спроведува невладината организација Парумба од Струга, зедно со својот партнер Фондација за поддршка на претпријатија – Охрид и партнер организацијата – Фондација Табита од Корча . Проектот со наслов “Со работа во руралните средини инвестираме во иднината”, е финансиран од Европска Унија како дел од ИПА програмата за меѓугранична соработка помеѓу Република Македонија и Република Албанија.
Целта на пректот ”Со работа во руралните средини инвестираме во иднината” е подобрување и проширување на туристичката промоција на Струшкиот регион поконкретно селата Вишни, Горна Белица, Вевчани. Во склоп на пректот досега се спроведени повеќе активности за јакнење на капацитетите за равој на селскиот туризам на локалните жители, а како на резултат на тоа произлегоа конкретни туристички понуди како и тематски туристички пакети за регионот Вишни, Горна Белица, Вевчани.
Средбата ќе се одржи на 6- ти март во хотел Тино со почеток во 12 часот.
OhridNews
