Како да се препознае и пријави семејното насилство- имаа можност да дознаат средношколците од охридската гимназија „Св. Климент Охридски“, од прва и втора година на предавањето кое во организација на Женски Центар ,,Бисера” во соработка со СВР- Охрид се оддржа во просториите на училиштето.
Средношколците со внимание го следеја предавањето на вишиот инспектор за превенција при СВР- Охрид, Тони Филипов и Живорад Савиќ, раководител на одделот за превенција, при што и самите имаа можност да се вклучат во дискусијата.
Како што истакнуваат од ЖЦ „Бисера“, одбрани се средношколците за предавањето, затоа што во спречувањето на семејното насилство од особено значење е превенцијата, како и навременото пријавување на случаите кои потоа би се проследиле до надлежните институции.
Со проблемот на семејното насилство се соочуваат голем број луѓе, без разлика на полот и степенот на образование.
OhridNews
