Јувентус ја освои 28-та титула во Серија А, но се прости од легендата на клубот Алесандро Дел Пиеро. Ланскиот првак Милан, заврши на втората позиција додека трет финишираше Удинезе. Токму овие три екипи ќе ја преставуваат Италија во Лигата на Шампиони.
Лацио и Наполи следната сезона ќе се натпреваруваат во Лигата на Европа. Сезони за заборав имаа Рома и Интер кои целосно потфрлија. Лече, Новара и Чезена испаднаа од Серија А.
Со 28 голови Златан Ибрахимовиќ е најдобар стрелец во Серија А. Втората позиција му припадна на Диего Милито од Интер со 24. Третата позиција ја делата Кавани – Ди Натале со 23 голови.
Мх.П.
