Старкоски, одржа средба со новинарите од Охрид, на која истакна дека соработката со медиумите ќе продолжи и понатаму со цел- правилно информирање на граѓаните околу активностите на јавното претпријатие.
Старкоски е дипломиран економист. Поголемиот дел од својот работен век го минал во охридската фирма за метални производи “Братство”, најпрво како референт за комерција, за потоа да ја извршува и функцијата комерцијален директор.
Во Проаква работи веќе три години, во почетокот како вработен во Наплатна служба, а од пред година и пол во Секторот за јавни набавки.
– Ќе го насочам сиот свој капацитет во решавање на проблемите и подобрување на состојбата во која се наоѓа фирмата, која во текот на последните неколку години бележи развој, на кој сега му е потребна само надоградба. Фирмата е кадровски екипирана, со вработени со долгогодишно искуство и подготвени да одговорат на сите поставени задачи, истакна на средбата Старкоски.
