Во рамките на оф-програмата на „Охридско лето“ вечерва, во предворјето на црквата „Св.Софија“ ќе настапи „Старовски бенд“ со кабаре-чалгија перформанс, инспириран од македонската поезија.
Бендот го сочинуваат Верица Недеска, Верица Андреевска, Круме Стефановски, Дејан Спасовиќ и Јордан Костов кои ќе изведат стихови и музика од нивниот прв албум „Прашинка љубов“, како и од новиот албум кој е во подготовка.
Поезијата во нивните песни е од македонските поети Петре М. Андреевски, Ацо Шопов, Гане Тодоровски, Блаже Конески, Никола Јонков Вапцаров и Константин Миладинов.
Автор на видео-инсталацијата е Сергеј Ѓоргиев, а костимите ги изработи Никола Булески Буле.
OhridNews
