Како што изјави директорот на агенцијата, Љупчо Георгиевски, при посетата на подрачното одделение во Охрид, со воведувањето на електронскиот катастар ќе се поедностави постапката за вадење документи, а при тоа од страна на надлежните ќе може да се следи и работењето на вработените.
– Секој кој поднесува барање во електронска форма ќе биде евидентиран со минута и секунда. Вработениот има законска обврска во рок од 15 дена да постапи по предметот, што не значи дека треба позитивно да се одговори, но не значи и дека треба месец или два предметот да стои во фиока, нагласи Георгиевски.
Освен стартувањето на електронскиот катастар, утре се очекува да биде пуштена во употреба и новата просторија на охридското подрачно одделение во кое ќе функционира приемен оддел со вкупно шест шалтери, современо уредени и опремени со што ќе се овозможи и подобра услуга за граѓаните.