– Младинската ракометна школа ќе работи во склоп на РК Охрид 2011 и првично тренинзите ќе се одржуваат во спортската сала при основното училиште “Христо Узунов” во два термини и тоа понеделник и петок во периодот од 20.30 до 22.00 часот. Ги информираме сите кои досега се јавија на јавниот повик на РК Охрид 2011 дека првиот собир и тренинг ќе се одржи овој петок (09.12 2011) со почеток во 20.30, во спортската сала при училиштето “Христо Узунов”, а воедно ова нека биде уште еден јавин повик до сите заинтересирани кои сакаат да спортуваат и да учат ракомет, повелете вратите на ракометната школа се отворени – рече координаторот на младинската ракометна школа Китески Ристе – Меци.
– После неколку месеци можеме да заклучиме дека идејата наиде и на реализација и можам слободно да кажам дека ракометот живее во Охрид, а како се движат работите во скоро време мислам дека и Охрид ќе живее за ракометот. Секако иднината на секој спорт е во генерациите што доаѓаат и следствено на тоа е и младинската ракометна школа. Со оваа идеја се надеваме дека ќе го поттикнеме спортскиот и ракометниот дух и кај најмладите генерации, па во иднина и градот Охрид ќе може да се пофали со некој свој Кирил Лазаров, Наумче Мојсовски итн – истакна Китески.
