На автопатот Скопје – Кичево – Охрид од 1-ви јули до 31-ви август 2016 година ќе биде воспоставена времена забрана за движење на тешки товарни возила, информираат од АМСМ.
Забраната се однесува на товарни возила чија вкупна маса преминува 15 тони за време на деновите од викендот и за денови при екстремно високи температури. Времената забрана ќе биде во петок од 17 до 22 часот, во сабота од 9 до 18 часот и во недела од 9 до 22 часот.
Во деновите со екстремно високи температури, определени од Министерство за здравство, забраната ќе важи и од понеделник до четврток од 11 до 17 часот.
Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
OhridNews
