Министерот за економија и вицепремиер Зоран Ставревски денеска потврди дека Владата нема никаква намера, ниту план во иднина да ги зголемува даноците.
Прашањето до министерот беше дали доколку задолжувањето надвор стане скапо Владата размислува да ги зголеми даноците и да воведе прогресивно оданочување.
Министерот одговори кратко “Не” и појасни дека во програмата на Владата нема предвидено зголемување на даноците и прогресивно оданочување. Владата смета дека тоа е лоша политика посебно кога во економијата во Европа и светот се случуваат кризни ситуации.
Според министерот Ставревски зголемувањето на данок не е добро и тоа би одвело многу претпријатија во пропаст. Прогресивниот данок е исто зголемување, така да наспроти предизвиците кои ги има државата, Владата ветува дека Македонија ќе остане со најниски даноци во Европа и нема да ги зголемува.
Тоа се однесува и на придонесите. Министерот појасни дека Владата размислува како да ја подобри наплатата на придонесите.
