Стефан Буџакоски, кој на чело на охридската полиција се наоѓаше од 2006 година, како што информираат од полицијата, заминува од функцијата на негово лично барање. Деновиве МВР позитивно одговорило на барањето за повлекување на Буџакоски, кое било мотивирано од лични причини.
Како што веќе информиравме, со решение на министерот за внатрешни работи м-р Гордана Јанкуловска, за негов заменик, односно вршител на должноста началник на Секторот за внатрешни работи Охрид е именуван Зоран Сарафилоски, кој во изминатиов период ја извршуваше должноста началник на одделението на криминалистичка полиција во СВР Охрид.
Според најавите, МВР наскоро ќе распише Конкурс за избор на нов началник на СВР Охрид.
OhridNews
