Најискусниот македонски маратонски пливач Томи Стефаноски патеката долга 57 километри во Аргентина ја исплива со 11-то време и ја отвори сезоната.
Стефаноски се пласираше најдобро од трите македонски маратонци, Александар Илиевски заврши на 13-то место додека Дејан Младеновски финишираше на 17-та позиција.
Победник на делницата Санта Фе која е прва трка годинава во Гран при серијата беше Италијанецот, Симоне Ерколи.
Поради здраствени причини сезонава во водите ќе недостасува Евгениј Поп-Ацев, кој минатата година заврши на втората позиција во генералниот пласман.
Мх.П.
